فوري تعلن عن (برنامج نقاط السوبر) للتجار هتبدل نقاطك بفلوس وقتي

ازاي تفعل خدمة السلف على حسابات فوري بكود الخدمة

سؤال محير ناس كتير ومش لاقيين اجابه ,ازاي استلف رصيد اجل من فوري لحين شحن الرصيد !!!

ازاي استلف رصيد من فوري 

بص يا عم الحج 

علشان تفعل خدمة السلف ادخل بكود الخدمة 77777

وبعدين دخل رقم حسابك مرتين 

واكتب رقم المحمول 

وبعدين موافق وهيتخصم منك 1 جنية 

المهم الخدمة هتشتغل بعد كده ؟؟ لا طبعا 

طيب ازاي افعلها !!! 

بص يا خال علشان تفعل الخدمة لازم المندوب هو اللى يفعلها تقلى ليه علشان يضمنك لامؤخذه 

افرض المندوب مش ضمنى !!!

الخدمة مش هتتفعل معاك 

طيب وايه فايده الخدمة من عدم تفعيلها على جميع الحسابات ؟؟

انا اقولك علشان بلدك فيها حراميه ونصابين للركب يفتحلك حساب اندرويد او مكنه 510 ويخلى المندوب يفعل الخدمة مثلا 5000 جنية ويقوم صاحبنا النصاب مصفر الرقم وخالع 

طيب السلف بيكون كام ؟؟

من 500 حتى 5000 جنية تقريبا والغالب المندوب بيفتح 500 بس 

طيب اقدر استخدمها طول اليوم ؟؟

لا بتفتح معاك من 6 مساء حتى 12 مساء وبعد كده بتقفل لحين شحن الرصيد 

سؤال اخير معلش استحملنى يا عم عبدالرحمن -- الخدمة عليها رسوم وهل بينزل عليها الربح ؟

الخدمة مش عليها اى رسوم وبينزل ليها ارباحك كامله 

بعد كل الكلام ده اكنك مسمعتش حاجه فكك اتصل ب19016 وافهم خدمة السلف كويس بس كده 

اخوكم عبدالرحمن فريد -- وكيل فوري وامان    والله الموفق والمستعان 

تعالوا بقه لخدمة السلف اللى بتصل لمدة اسبوع 👇
📢 خدمة سلفني فوري 📢
📢 لتصنيفات التجار D & C  📢
⭕ لو رصيدك خلص تقدر تستلف رصيد بالسالب تستخدمه في خدمات الكارت والهوا ودفع الفواتير 
⭕ الرصيد اللي هتستفله تقدر تستخدمه علي مدار اليوم 

◀ و لمدة 3 ايام ونص لتصنيف التجار C 
◀ ولمدة اسبوع لتصنيف التجار D 

👇🏻 ومش بس كده 👇🏻

⭕ كمان لو حققت المستهدف الشهر المطلوب منك هتاخد 
 (2 جنيه علي كل 1000 جنيه هتحققها) 

 خلي بالك ❗❗
 لمعرفة المستهدف الشهري المطلوب منك من خلال 
◀ كود الخدمة 8960 
◀ ادخل رقم حسابك مرتين 
◀ اضغط رقم ( 1 ) لمعرفة المستهدف 
◀ اضغط رقم ( 2 ) لمعرفة المتبقي من المستهدف 

 # مع فوري انت سابق غيرك 🔝