فوري تعلن عن (برنامج نقاط السوبر) للتجار هتبدل نقاطك بفلوس وقتي
ضمن خطة التطوير المتبعه من إدارة شركة فوري خلال الايام السابقه وفتح مجال للتواصل مع التجار لحل مشاكلهم بخصوص برنامج المكافأت المتبع سابقا وكانت اولي برامج المكافأت هي #برنامج_نقاط_فوري_الذهبية التى كانت تستبدل برصيد على المكنه لما توصل النقاط ل100 نقطه ولكن خلال فتره بسيطه تم تعديل النظام واصبح لما تحقق 100 نقطه تستبدل بقسيمة شراء من شركاء شركة فوري وتسبب هذا النظام بسخريه وانزعاج شريحه كبيره من تجار شركة فوري وخلال فترة كبيره تقريبا عادت فوري الى إعادة هيكلة برنامج المكافأت .
برنامج نقاط السوبر 💪
وتم استبدال نقاط فوري الذهبية الى نظام - فوري تربو
التربو بقي على الخارج من التليكوم والكهرباء بس.. هينزلك تارجت ربع سنوي متقسم بالتساوي على ال 3 شهور... لو حققت التارجت الشهري هتكسب وكمان وتقدر تضاعف مكسبك لو حققت التارجت الربع سنوي.
وتم تقسيط النظام الى تلات شرايح لو وصلت للبرونزي بتاخد 2 جنيه ولو وصلت للفضى بتاخد 3 جنيه ولو وصلت للذهبي هتاخد 4 جنيه .
النظام ده قدر يحقق نسبة نجاح لبعض تجار فوري وفعلا تجار كتير كسبت وللاسف بعد 3 شهور التجار دي لا بقت تكسب ولا تخسر لانهم رفعوا التارجت فى ظل منافسات مع شركات اخري مغرقه البلد ماكينات دفع
برنامج نقاط السوبر 💪
فوري عملت لك برنامج نقاط السوبر و هتبقي على شغلك من الفواتير و الخدمات و الشحن علي الهوا لما تحقق 1500 هتاخد نقطه 💪💪
تنبيه : جمع نقاط طول العام وتقدر تستبدلها فى اى وقت لحد اخر العام 31 ديسمبر وبعد كده بيتم تصفير نقاطك
ازاي اعرف نقاطي من مكنه vx520
ادخل على رصيد الجهاز
انزل بالسهم للاسفل هتلاقي قايمه مكتوب فيها (برنامج نقاط السوبر)
ازاي اعرف نقاطي من مكنة نكس جو والباكس وحسابات الاندرويد
حرك قايمة الرصيد بالاعلي هتلاقي نقاط السوبر
شوف قايمة (برنامج نقاط السوبر)
شرح برنامج نقاط السوبر
قيمة استبدال النقاط (عام 2027-2026)
كيفية الحصول على النقاط وتجميعها
- تزداد النقاط عند إجراء عمليات شحن الرصيد "على الهواء"، تجديد الباقات، وإصدار كروت الشحن.
- يُنصح التجار بمتابعة أرصدة نقاطهم باستمرار عبر ماكينة فوري أو تطبيق "تجار فوري" لتجنب انتهاء صلاحيتها أو "تصفيرها" دورياً.