أكواد السحب والإيداع في المحافظ الإلكترونية من خلال فوري
شركة فوري لتكنولوجيا المدفوعات الالكترونية ,تعتبر هي الشركة الوحيده فى مصر المستحوذه على نسبة 95% من خدمات الايداع والسحب من المحافظ النقديه فى مصر ولذلك نقدم اليكم كافة اكواد الايداع والسحب من خلال شبكة فوري بالتفصيل الممل .
فودافون كاش
فودافون من اكثر الشركات نمو وانتشار داخل وخارج مصر ويعتبر فودافون كاش هي الوسيله الامنه والافضل لملايين المصريين للتحويل النقدي وسهولة استخدامها وتوفر خدمة دفع فواتير المحمول لاي خط وتحويل الرصيد لخطك واي خط اخر وفواتير النت لخط المشترك فقط وهي دي عيب فودافون كاش من عدم اتاحة دفع فواتير النت لاي رقم ارضي .
‼ طب الخدمة بتتعمل ازاي علي المكنة ؟!
1⃣ ادخل علي معاملات مالية وبنوك
2⃣ وبعدين فودافون كاش
3⃣ هتلاقي
🔺 ايداع فودافون كاش كود الخدمة 204
🔺 سحب فودافون كاش كود الخدمة 207
4⃣ فى حالة السحب أو الايداع اعمل الآتي :
🔺 دخل رقم المحفظة مرتين (رقم الموبايل اللي عليه المحفظة).
🔺 ادخل مبلغ الشحن أو السحب
🔺 هتيجي للعميل رسالة تأكيد على موبايله سواء في عملية الشحن أو السحب ولازم العميل يأكد علي العملية من موبايله خلال دقيقة ونص
‼ خلي بالك
لو رسالة التأكيد موصلتش للعميل ممكن يطلب الكود #2*900* في حالة الايداع
وفي حالة السحب العميل يطلب الكود #1*900*
🔺 أكد علي عملية الدفع من مكنتك واطبع الايصال
تعليمات هامه فى حالة فشل التاكيد وتعليق المبلغ
خدمة فودافون كاش
في حالة عملية الايداع لمحفظة العميل خلي بالك من الاتي:
‼ مجرد ما تقوم بادخال مبلغ االايداع على الماكينة المبلغ بيتخصم من رصيدك مباشرة
‼ فى حالة عدم وصول رسالة التأكيد للعميل على موبايله أو تأخر العميل فى عملية التأكيد هيظهرلك الكود 21092 ، قم بالضغط على الغاء العملية وطباعة الرقم المرجعي.
‼ لاسترداد المبلغ اللى اتخصم من رصيدك وموصلش للعميل ادخل على استعلام ايداع فودافون " كود الخدمة 205 " واكتب رقم حركة الايداع الموجودة بالايصال اللى انت طبعته بس بعد مرور خمس دقايق على طباعة الايصال .
‼لو ظهرلك الكود 21132 ده معناه ان المبلغ رجع تانى لرصيدك.
‼ ملحوظة : لو الخدمة لسه مشتغلتش عندك اعمل تحديث لقائمة الخدمات في وقت تكون الشبكة عندك قوية.
تعالوا نشوف فيديو لشرح ايداع وسحب من خدمة فودافون كاش من خلال مكن VX 520 👈 إضغط هنا
**********************
تعالوا نشوف فيديو لشرح ايداع وسحب من خدمة فودافون كاش من خلال تطبيق فوري للاندرويد 👈 إضغط هنا
اورنج كاش
اورنج هي الشركة الثالثه من حيث الانتشار ولكن هي افضل من اتصالات من حيث السرعه والتطوير ويعتبر اورنج كاش هي البديل التاني لفودافون كاش ويميز اورنج كاش عن فودافون بأتاحة دفع فواتير المحمول وتحويل الرصيد ودفع فواتير النت لاي خط وده الدافع ليه ولكثير من التجار لاقتناء خط كاش اورنج وللعلم اورنج كاش سريع التحويل قليل الاخطاء بخلاف فودافون كاش
كود الايداع 353
كود السحب 357
اتصالات كاش
📢📢 حصريا مع فوري خدمة اتصالات كاش 📢📢
ايداع وسحب مبالغ مالية من محفظة اتصالات كاش من خلال :
1️⃣ اتصالات و انترنت
2️⃣ اتصالات كاش
3️⃣ اختار ايداع او سحب من المحفظة
◀️ للايداع في المحفظة ( كود الخدمة 4430 )
◀️ للسحب من المحفظة ( كود الخدمة 4432 )
4️⃣ ادخل رقم المحفظة مرتين
5️⃣ ادخل المبلغ
6️⃣ تأكيد العميل من موبايله علي العملية
7️⃣ اكد واطبع الايصال
خلي بالك ‼️‼️
كود تأكيد العميل علي العملية من خلال كود #777*
#مع فوري انت سابق غيرك 🔝
وي باي
شرح الايداع والسحب من خلال فوري
1- للايداع التاجر بيدخل بكود الخدمة 44240
2- للسحب التاجر بيدخل بكود الخدمة 44250
3- يمكنك الايداع من 1 جنيه الى 30 الف
4- طريقة الايداع يقوم العميل بالدخول الى محفظة وي باي على الموبايل وطلب عمليه ايداع من فوري هيخرج ليه كود سري يدي التاجر الرقم والمبلغ المراد تحويله والكود السري ويقوم التاجر بالايداع مباشرة .
5- طريقة السحب يقوم العميل بالدخول الى محفظة وي باي على الموبايل وطلب عمليه السحب من فوري هيدخل رقم حساب التاجر اللى هو رقم الجهاز وبعدها يحدد قيمة السحب ويدوس استمرار وبعدها هيخرج رقم مرجعي يعطيه للتاجر لتنفيذ السحب وشكرا .
شرح بالفيديو لطريقة الايداع والسحب من خلال فوري اضغط هنا