شرح كيفية سحب وايداع الاموال "فودافون كاش" من ماكينات ATM 

مع التطور التكنولوجي اصبح من السهل السحب والايداع الاموال لمحفظة فودافون كاش من خلال ماكينات ATM للبنوك (البنك الاهلي المصري - البنك التجاري الدولي CIB - بنك مصر) وقريبا باقى البنوك وللمزيد من الاستفسار اتصل ب888 خدمة عملاء فودافون للتعرف على البنوك التى تدعم السحب والايداع لفودافون كاش من خلال ماكينات ATM تلك البنوك .



تقدر تسحب وتودع فلوس فى حسابك فودافون كاش من خلال المنافذ والفروع الاتية 
1- من خلال فروع فودافون كاش المنتشره بكافة المحافظات
2- من خلال منافذ شركة فوري واليكم شرح 👈 هنا
3- من خلال منافذ شركة امان واليكم شرح 👈 هنا 
4- من خلال الوكلاء المعتمدين 
5- من خلال ماكينات ATM للبنوك (البنك الاهلي المصري - البنك التجاري الدولي CIB - بنك مصر) 

اولا يجب التعرف على رسوم الخدمة الخاصة بفودافون كاش للسحب والايداع
🔴 لو هتحول من محفظتك الى محفظة فودافون كاش اخري هيتم خصم 1 جنية على اى مبلغ من الرصيد المتبقى فى حسابك
🔴 خلي باك لو هتسحب من فرع فودافون او فوري او اي موزع بيتم خصم 3 جنية رسوم عند سحب اى مبلغ ما بين 5 الى 150 جنية ولو هتسحب اكثر من 150 جنية بيتم فرض رسوم 2% من قيمة المبلغ او 1% لفترة محدودة
وبيتم خصم الرسوم دي من المبلغ المتبقى فى حسابك فودافون كاش 

شرح مبسط
مثلا معاك فى المحفظة 1000 جنية فقط وعاوز تحولهم لمحفظة اخري تتصل ب7000 وتقوم بأختيار 999 جنية للتحويل وترك 1 جنية رسوم تحويل وفى الحاله دي مش هتحتاج تاكيد من محفظة العميل بس هتخسر 1 جنية 
طيب لو عاوز تحويل فلوس بدون تحويل لمحفظتك واعادة تحويلهم وخسارة 1 جنية تروح لاي فرع فودافون او فوري او امان وتحول لحساب العميل مباشرة 

حالة السحب 
مثلا معاك فى المحفظة 100 جنية وعاوز تسحبهم من الفرع او من فوري هتسحب مبلغ 97 جنية فقط وتترك فى حسابك 3 جنية ليتم خصمهم رسوم سحب لصالح فودافون 

طيب لو معاك مبلغ اكثر من 150 جنية وعاوز تسحبهم هيتم فرض رسوم 2% من قيمة المبلغ مثلا لو معاك 1000 جنية عاوز تسحبهم هتسحب 980 جنية وتترك 20 جنية رسوم سحب لصالح فودافون 

طيب ازاي نقدر نودع ونسحب من خلال ماكينات ATM

شرح خطوات السحب من خلال ماكينات ATM

1- يجب اجراء عملية السحب اولا من خلال الهاتف بكود #9* واختيار المزيد ثم السحب من ATM ثم اختيار مبلغ السحب من 20 الى 6000 جنية ثم ادخل الرقم السري وبعدها هيوصلك الرقم السري لماكينة الـATM

2- عند الذهاب الى اقرب ماكينات (البنك الاهلي المصري - البنك التجاري الدولي CIB - بنك مصر) هتختار 👈 خدمات بدون بطاقة او الضغط على كلمة من فضلك ادخل البطاقة بدون ادخل بطاقة فيزا ماستركاد او خدمات نقدية 👈 ثم اختيار محفظة الماستركارد او محفظة الهاتف المحمول 👈 ثم اختيار كاش اوت Cash Out 👈 او لو ظهرلك كلمة فوافون كاش اختارها 

3- وصلنا لخطوة ادخال الرقم السري المؤقت اختار نعم 

4- ادخل الرقم السري لعملية السحب

5- ادخل المبلغ المراد سحبه 

6- ادخل رقم الموبيل ثم دوس انتر 

7- مبروك عليك سحب المبلغ والحصول على ايصال 








شرح خطوات الايداع من خلال ماكينات ATM


1- عند الذهاب الى اقرب مكنه ATM اضغط علي خدمات بدون بطاقة 👈 فودافون كاش 👈 ايداع

2- ادخل رقم موبايل محفظتك فودافون كاش و الرقم السري الخاص بالمحفظة

3- ادخل الفلوس فى المكان المخصص اللى هو مكان سحب الاموال 

4- بعد ثواني بيظهر الرقم علي الشاشة

5- اكد المبلغ و سيتم ايداع الفلوس فى حسابك فودافون كاش

6- مبروك عليك الايداع والحصول على ايصال 

تعالوا نعرف ليه الناس بتدور على السحب والايداع من خلال ماكينات ATM 
1- فروع فودافون عليها زحمة واوقات كتير ميكنش فيها فلوس للسحب 
2- الوكلاء والموزعين موجودين فى اماكن غير معروفة وصعب الوصول اليهم 
3- تجار شركة فوري وامان يقومون بفرض رسوم اضافية بدون وجه حق ولو اتكلمنا على ان التاجر بيضيف 20 جنية للسحب على كل الف عنده حق لان شركة فوري او امان تقوم بأعطاء التاجر عمولة قد تصل الى 40 قرش فى كل الف 

علشان كده معظم عملاء فودافون كاش قد يتجهون الى ماكينات ATM 
بس خلى بالك ممكن العمليه تتعلق منك وتقعد شهور متمرمط بين خدمة عملاء البنك وخدمة عملاء فودافون 
وحصلت بالفعل مع عملاء كتير 

لاي استفسار اتصل ب888 خدمة عملاء فودافون وشكرا 

تابع موضوع مهم تعرف على جميع اكواد وارقام خدمة فودافون كاش 
👇👇👇
جميع أكواد خدمة فودافون كاش إشتراك سحب وايداع رسوم خدمة




 
Top