شرح دفع اقساط بنك الاسكندرية من خلال منافذ شركة فوري
لو عندك فوري هتلاقى زبون داخل عليك بيسألك عندك فوري ,وطبعا لو عندك مبروك عليك الخدمات الحصرية اللى بتخلى العملاء تدور عليك مهما كان محلك بعيد ,وعلشان كده فوري مميزة بالخدمات الحصرية بالمقارنه مع الشركات المنافسه اللي فى السوق ,والنهاردة هناخد معاكم خدمة حصرية لدي فوري تلاقى الزبون دايخ يدور على محلك ولما يوصلك هتعرف ان (مع فوري انت سابق غيرك) .
النهاردة حصل موقف كوميدي
الزبون لف على أكثر من محل عنده فوري وكل لما يوصل محل عنده فوري يسأله عاوز ادفع قسط قرض بنك الاسكندرية !!!
التاجر هنا يتنح ويقله فين دي يقوم العميل يتصل بخدمة عملاء بنك الاسكندرية ويقعد على الانتظار علشان يوصل للدعم وفى الاخر التاجر ميعرفش يدفع للعميل القسط .
المهم التجار فى ابوكبير يعرفونى بالاسم عبدالرحمن فريد (فوري ابوكبير) قالوا للعميل روح للاستاذ عبدالرحمن هو اللى هيدفعلك القسط
جالي العميل بعد اللف على كذا محل وقالى حضرتك الاستاذ عبدالرحمن قلتله ايوه تحت امرك , قالى عاوز ادفع قسط بنك الاسكندرية قلتله موجود ودخلت طوالي على معاملات مالية وبنوك ولا اقولكم تعالوا بقه نشرح الخدمة .
شرح دفع اقساط بنك الاسكندرية
1- الدخول الى معاملات مالية وبنوك
2- تدخل على قائمة (بنك الاسكندرية)
3- ثم قسط قرض (كود الخدمة 399)
4- اطلب من العميل الاتى (رقم التحقق - الرقم التعريفي - رقم الهاتف - رقم البطاقة لصاحب القسط)
5- ادخل تمن القسط ثم موافق وطباعه ايصال للعميل بس كده
لتجار شركة فوري لو عندك اى استفسار اتصل ب19016
لعملاء شركة فوري لو عندك اى استفسار اتصل ب16421
ناخد فكره عن قروض بنك الاسكندرية
التمويل الشخصي لعملاء تحويل الراتب
تمويل شخصي يقدم للعملاء المصريين العاملين في الشركات التي تعمل في مصر ويتم تحويل رواتبهم مباشرة إلى بنك الإسكندرية
التمويل الشخصي لعملاء تحويل القسط
تمويل شخصي يقدم للعملاء المصريين العاملين في الشركات التي تعمل في مصر ويتم تحويل قسط التمويل مباشرة إلى بنك الإسكندرية
التمويل الشخصي لعملاء المعاشات
تمويل شخصي يقدم للعملاء المصريين اصحاب المعاشات ويتم تحويل معاشهم الشهري مباشرة إلى بنك الإسكندرية
التمويل الشخصي متعدد الدفعات
تمويل شخصي يقدم للعملاء المصريين العامليين في الشركات التي تعمل في مصر و الراغبين في الاستفادة من نظام الرواتب و الحوافز الخاصه بهم.
التمويل الشخصي للعملاء بدون تحويل قسط او راتب
تمويل شخصي يقدم للعملاء المصريين العاملين في الشركات التي تعمل في مصر ويتم رواتبهم (كلها أو جزء منها) مباشرة إلى اي بنك اخر
التمويل الشخصي لموظفى البنوك
تمويل شخصي يقدم للعملاء المصريين العاملين فى البنوك العاملة بالسوق المصرى
التمويل الشخصي لاصحاب الاعمال والمهن الحرة
تمويل شخصي يقدم للعملاء المصريين اصحاب الاعمال و المهن الحرة والذين يتم ايداع دخلهم ببنك الإسكندرية او ببنك اخر
التمويل الشخصي بسعر عائد متغير لتشطيب او تجديد وحدة سكنية
الان التمويل الشخصي لتشطيب او تجديد الوحدات السكنية لمدة 12 سنة من بنك الاسكندرية باسهل و ابسط الاجرائات
التمويل الشخصي بضمان الارصدة الدائنة
يقدم لعملاء بنك الاسكندرية اصحاب الودائع والشهادات
للمزيد من قروض بنك الاسكندرية اضغط هنا