تسجيل قراءة عداد الكهرباء فى مصر
الإبلاغ عن القراءة ,الابلاغ عن قراءة عداد الكهرباء ,ادخال قراءة العداد ,تنزيل قراءة العداد ,تخفيض قراءة العداد ,تنزيل عدد القراءة الحالية ,رفع عدد القراءة الحالية
السلام عليكم ورحمة الله وبركاته اليوم سوف نتحدث عن طريق تسجيل قراءة عداد الكهرباء القرص القديم او الالكترونى الحديث .الكثير من المواطنين يشكوي من زيادة اسعار الكهرباء وزيادة عدد الكيلو وات للعداد بدون استهلاك حقيقى مثلا فى حالة استهلاك شهريا 100 كيلو وات وتجد فى وصل الكهرباء 300 كيلو وات كل شهر
عليك بتسجيل القراءة على موقع ﺟﻬﺎﺯ ﺗﻨﻈﻴﻢ ﻣﺮﻓﻖ ﺍﻟﻜﻬﺮﺑﺎﺀ وحماية المستهلك بعد الدخول الى الموقع تحتاج الى تسجيل حساب جديد
1- بعد الدخول الى الموقع سجل حساب جديد بالضغط على ( مستخدم جديد)
2- بعد الضغط على مستخدم جديد هتلاقى الصفحة بالاسفل قوم بكتابة البيانات المطلوبة كما بالصورة وبعدها اضغط تسجيل
3- بعد الضغط على تسجيل هترجع للصفحة الرئيسية تانى من هنا وتسجل الدخول بالايميل والباسورد واضغط تسجيل دخول وبعدها اضغط على (أضافة قراءة عداد كهرباء)
4- بعد الضغط على (أضافة قراءة عداد كهرباء) اختار اسم الشركة مثلا شركة القناة لتوزيع الكهرباء او اى شركة اخري وفى خانة اسم المكان اكتب علامة مميزة للعداد مثلا اكتب (البيت او المحل او الدور الارضى او الدور العلوي او البدروم او الروف او شقة اخويا او شقة ابويا) يعنى حاجة تفكرك لما تدخل المره الجاية تسجل القراءة ماشى يا سيدي
5- فى خانة اسم المشترك اكتب الرقم الموجود فى فاتورة الكهرباء الموضح بالصورة بالاسفل
6- بعد تسجيل العداد اضغط هنا هتلاقى نفسك فى الصفحة دى اختبار من اسم المكان العداد اللى عاوز تبلغ القراءة والقراءة الحالية اكتب الرقم الموجود فى العداد حاليا ً
مهم جدا ً
تسجيل قراءة العداد (رفع قيمة القراءة)
فى حالة حصولك على فاتورة الكهرباء بقيمة 100 كيلو وات والعداد عندك عليك عدد مثلا 1000 كيلو وات لشركة الكهرباء
يعنى انت عليك للشركة عدد كيلو وات كتير يبقى فى خانة القراءة الحالية اكتب القراءة الموجود فى العداد من يوم 15 فى الشهر حتى 21 فى الشهر ده بالنسبة لشركة كهرباء القناة اما بالنسبة للشركات الاخري هتلقيها موجود عند تسجيل القراءة هيعرفك الايام اللى مسموح تدخل فيها قراءة العداد
تسجيل قراءة العداد (تنزيل قيمة القراءة)
فى حالة حصولك على فاتورة كهرباء بقيمة 300 كيلو وات وعندك فى العداد ليك 2000 كيلو وات فى الحالة دى لو ادخلت قيمة القراءة اللى فى العداد فى خانة القراءة الحالية هيظهر خطاء (قراءة خاطئة, من فضلك تأكد من قراءة العداد الصحيحة وأعد المحاولة) طيب ايه العمل هتنزل القراءة ازاى شوف الحل
لما تستلم فاتورة شهر يونيو من يوم 15 حتى 21 يونيو ادخل اكتب فى خانة القراءة الحالية اكتب القراءة الحالية الموجود فى فاتورة الكهرباء وبالتالى فاتورة شهر يوليو هتطلع صفر وكرر العملية دي كل شهر لغايت لما تخلص 2000 كيلو وات تمام كده
طيب يا سيدي انا مش فاهم ممكن تفهمنى بالراحة
حضرتك انت ليك عند شركة الكهرباء 2000 كيلو وات ومفيش كشاف بيجي ياخد القراءة وكل شهر يجيلك فاتورة كهرباء غالية ايه الحل لازم تستلم الفاتورة من المحصل من يوم 15 ليوم 21 مهم جدا علشان تقدر تنزل القراءة الشهر الجاى طيب افرض المحصل بيجي اخر الشهر سجل على الموقع واستنى الشهر الجاي هيجي رسالة على الايميل بتاعك كل شهر من يوم 10 فى الشهر خد القراءة الموجودة فى الفاتورة وادخل دخلها فى القراءة الحالية وبكده القيمة الشهر الجاى هتيجي صفر وكرر العملية دي كل شهر لغايت لما العداد يتظبط يعنى مش يبقى عليك او ليك عند الشركة
شرح بالفيديو طريقة فتح حساب وتسجيل القراءة بالشكل الصحيح
لاى استفسار يرجي ترك الاستفسار بالتعليقات الفيس وجوجل بلس