السماح بقبول المدفوعات من خلال استخدام الهواتف الذكية كنقاط بيع "SoftPOS"
🔴🗞️ الخبر بيقول:
البنك المركزي المصري هيبدأ من يناير السماح بقبول المدفوعات من خلال استخدام الهواتف الذكية كنقاط بيع "SoftPOS" 📱💳 بدل أجهزة نقاط البيع التقليدية… ومن غير حد أقصى يوميًا.
📰 أحد المواقع الإخبارية
نشر الخبر دا… وللأسف الخبر حقق قراءات كتير بسبب أن القراء داخلين يسألوا: يعني إيه؟
وده اللي خلّى الخبر يطير…
فقلنا ننشر الخبر ونشرحه ببساطة جدًا 😊👇
كشف مصدر مسئول أن البنك المركزى المصرى يستعد للسماح بقبول المدفوعات من خلال استخدام الهواتف الذكية كنقاط بيع “SoftPOS “، بديلاً لأجهزة نقاط البيع التقليدية، بدون حد أقصى يوميًا اعتبارا من يناير المقبل.
🤔يعني إيه الكلام ده؟
يعني ببساطة: موبايل التاجر نفسه هيشتغل كأنه جهاز POS.
🔹 جهاز POS:
ده الجهاز اللي عند أي محل… بتحط عليه الكارت أو تعمل Tap، وهو اللي بيسحب الفلوس من حسابك 💳➡️🏦
طب الموبايل هيعمل كده إزاي؟
عشان فيه تقنية اسمها NFC.
🔹 NFC:
خاصية في بعض الموبايلات بتخليها "تشوف" الكروت بمجرد اللمس (Tap) 📲✨
نفس فكرة Apple Pay…
بس هنا الموبايل بيستقبل الدفع مش بيدفع.
⬇️مميزات القرار:
📱 مش محتاج جهاز POS… الموبايل كفاية
💰 أوفر للتاجر… مفيش إيجار جهاز
⚡ سرعة وسهولة… Tap وخلاص
🛍️ أي تاجر صغير يقدر يستقبل مدفوعات فورًا
🔒 أمان كامل زي الأجهزة التقليدية
⬇️عيوب بسيطة:
📲 لازم موبايل يدعم NFC
📶 محتاج إنترنت
🔋 لو البطارية فصلت → مفيش دفع
🧑🏫 محتاج تعوّد بسيط من التجار
حتي الان لا توجد شركات كثيره تدعم الدفع بالموبايل عن طريق التلامس
عدم وجود ثقافة الدفع بالفيزا تلامس
تكلفة الخدمه يتحملها البايع في بعض الاوقات مما يرفض تنفيذها
⭕ الخلاصة:
بس بدل جهاز الـPOS، الموبايل نفسه هيبقى جهاز الدفع 📱💳
والتشغيل رسميًا من يناير… ومن غير حد أقصى يومي..
#فلاش_ع_السريع
#سعر
#اسعار