مميزات وعيوب بطاقة ايزي باي Easy Pay البريد المصري للشراء من الانترنت والحوالات البريدية

أول بطاقة prepaid من البريد المصري ، الاستلام فوري و معها الكثير من المفاجآت و العروض ,كارت ايزي باي Easy Pay من البريد المصري لمعرفة مميزات وعيوب بطاقة ايزي باي من البريد المصري تابع الموضوع التفاصيل .

نقدم اليكم من خلال موقعكم المفضل أبوكبير لخدمات الدفع والشحن شرح مفصل عن بطاقة ايزي باي بداية من الاستلام من مكتب البريد وتفعيل البطاقة وتنزيل تطبيق ايزي باي لمراقبة معاملاتك واستقبال الحوالات البريدية وكيفية سحب الاموال من خلال مكاتب البريد او ماكينات ATM وكمان ازاي تستغل البطاقة لو حضرتك تاجر وعندك محل لشحن ودفع والفواتير .

بداية التفكير فى شراء بطاقة ايزي باي من البريد المصري

لما فكرت اشتري بطاقة ايزي باي من البريد المصري كان عندي اسباب قوية جعلتنى اقتنى تلك البطاقة لعدة اسباب اهمها

-البطاقة سعرها رخيص جدا ومكاتب البريد منتشره فى كافة المدن وسهولة الاجراءات

- عند شحن البطاقة المبلغ بيسمع فى نفس اليوم بخلاف كافة بطاقات مسبقة الدفع

- تفعيل حساب الباي بال والشراء من الانترنت وانشاء حملات ممولة علي الفيس بوك

- الدفع للجهات الحكومية

- ارسال واستلام الحوالات البريديه من خلال تطبيق ايزي باي للهواتف الاندرويد برسوم خدمة 2 جنيه لاي مبلغ عن السحب ولكن تكمن هنا المشااااااكل

جاءت اولي المتاعب عند البحث عن البطاقة وعدم وجودها بالكثير من مكاتب البريد او عدم اخراجها للعملاء بسبب تسليمها للمتضررين من برنامج تكافل وكرامه والمعاشات المؤقته وخلافه

واخيرا لقد وجدتها بعد ان انتهي تسليم بطاقات تكافل وكرامه والمفاجاه تخفيض تمنها من 25 الي 10 جنيهات

وبعد تسجيل البطاقة طبيعي ان اطلب شحن البطاقة ولكن طلب الموظف تفعيل البطاقة اولا من خلال 16789

وفعلا اتصلت وقعدت علي الانتظار 25 دقيقه المهم فعلتها وسالت الموظف الكود السري لتفعيل بطاقة ايزي باي لم يصلني حتي الان لانى وقتها مكنتش اعرف طريقة استلام الكود السري

قالي بالحرف لازم تشحن بمبلغ 100 جنيه علشان يوصلك الكود وطلع الموظف يقصد كود تاكيد حساب باي بال .. لانه حافظ مش فاهم .

والخبر الغير سعيد ان بطاقات ايزي باي لا تشحن الا من خلال مكن pos

قلت تمام فين طيب قالوا الموظفه روحت 😠

قلت مش مهم هنتظر الكود السري لتفعيل تطبيق ايزي باي وبعد كده ابقي اعمل حوالة للرقم القومي بتاعي واستلم الحوالة علي التطبيق وبكده اشحن البطاقة

طيب والعمل رجعت مكتب البريد بعد ثلاثة ايام وسألت علي الموظفه اللي معاها مكنة pos وكان بتقبض برنامج تكافل وكرامه وطلبت اشحن البطاقة قالت انتظر لما اخلص الناس دي كلها لان مش ينفع اشحن بطاقات لان المكنه ممكن تقف وانا بصراحه عذرتها لان نوع المكنه VX510 والمكنه دي معروفه انها بطيئه جداا بالمقارنه بمكن vx520 , vx675 الموجوده بالبريد .

انتظرت حتي انتهت وشحنت البطاقة ب100 جنيه

كلمت الدعم 16789 وطلبت الكود السري للتفعيل قالت عاوز كود تفعيل الباي بال قلتها لاه عاوز كود تفعيل تطبيق ايزي باي

قالت يا افندي دي بتوصلك بعد تسجيل البطاقة في مكتب البريد قلتلها وحياتك ما وصلتني وموظف الدعم قالي اشحن البطاقة وكلمنا قالتلي هو يقصد كود تفعيل الباي بال ..

المهم قالتلي ترجع البريد تاني لموظف الشباك وفعلا رجعت لموظف بريد ابوكبير بدون ذكر اسماء قالي ملناش دعوه ورجعت اتصلت 16789 وقالتلي كلمني وانت قدام الموظف ورجعت ووقفت قدام الموظف والدعم قالي خلاص يا افندم هنقدملك شكوي ...

وتم فتح شكوي بتاريخ 14 / 7 / 2019

وكل يوم اتصل اتابع الشكوي يتم الرد بان القسم المختص لسه مش رد على الشكوي

واليوم 22 / 7 / 2019 واحد قالى روح مكتب رئيسي هيفعل ويرسل ليك الكود من خلال مكنه pos

وفعلا رحت مكتب بريد ابوكبير تان وطلب من الموظف ارسال كود تفعيل تطبيق ايزي باي

قالي حاضر وادخل الرقم السري ورقم الهاتف والرقم القومي

وخرج ليه رساله (الرقم القومي او رقم المحمول خطا)

وقالى انتظر اشيك على بيانات البطاقة من خلال الموقع وفعلا البيانات صح

قالي كده تتصل ب16789 وتقدم شكوي واتصلت والدعم قالى هنضيف كلامك للشكوي

وعرفت وقتها اننا لسه فى العصر الحجري

المهم اتصلت على الدعم تانى قالتلى لسه الادارة مش ردت قلتلها حولينى للسوبر فايزر

فعلا المسئول رد قالى يا افندم الموظف دخل رقم الهاتف والرقم القومي غلط وواضح امامي برقم الاشعار

قلتلها الموظف دخل الرقمين امامي صح وانا متاكد من كلامي انتم اللى فشله .

المهم قالتلى ارجع للمكتب تانى وكلمنا وانت قدام الموظف

قلتلها دول مش بيعبروا حد وبينفضوا عن راسهم بالاخص المكتب الرئيسي بتاع ابوكبير

المهم حاولت اريحها وقلتلها هاتى خطوات التفعيل وانا اديها للموظف قالت ممنوع يا افندم

دي اسرار حربية خخهخهخهه

اتصلت بواحد صديق شغال فى بريد بمحافظة اخري اعطانى الطريقة

قالى الموظف بيدخل على خدمات متنوعه وبعدها تسجيل بطاقة ايزي باي

وبعدها بيدخل رقم الهاتف والرقم القومي وبعدها بتتسجل على تطبيق ايزي باي ويوصلك الكود

روحت لمسئول مكتب بريد ابوكبير الرئيسي قالى المكنه فى الصيانه

وقالى ارجع للمكتب التانى فى ابوكبير - لان المسئول فى المكتب التانى فاهم الخطوات

المهم رجعت يوم 1 / 8 / 2019 وفعلا جرب تانى نفس المشكلة رقم الهاتف او الرقم القومي غلط

المهم انا هرمي البطاقة دي فى الزباله وانصح اى محترم عاوزها ينفض لانه هيتعامل مع شوية ,,,,,,,,

انتظروا كل التفاصيل يوم بيوم #البريد_المصري_فاشل

طيب والحل لو عاوز تشتري من النت عندك فيزا فودافون كاش ممتازة تابع الشرح 👈 هنا

تعالوا نشوف عينه من تعليقات بعض المتضررين من فيزا ايزي باي والبريد المصري ولقراءة التعليقات بصورة واضحه اضغط هنا

10 شروط لاستخراج بطاقة ايزي باي

1- السن لا يقل عن 16 عام

2- البطاقة الشخصية سارية ويجب تصوير البطاقة نسختين

3- مصاريف اصدار البطاقة 10 جنيهات لفترة محدوده وذلك بداية من شهر يوليو 2019

4- اقل مبلغ للايداع بعد تفعيل البطاقة من خلال الدعم 16789 هو 100 جنيه

5- البطاقة تحمل شعار فيزا وهي مسبقة الدفع ولا يتم كتابة اسمك على البطاقة ولا يوجد لها بدل تالف او فاقد ولكن عند التجديد تقوم بتسليم القديمة والحصول على الجديدة بمقابل 15 جنيه

6- الحد الاقصي للشحن اليومي 5000 جنية وبحد اقصي 20 الف جنيه شهريا

7- الحد الاقصي للشراء اليومي 10 الاف جنيه

8- فى حالة عدم الحاجه للبطاقة وترغب فى قفل البطاقة من خلال مكاتب البريد

9- فى حالة ضياع او سرقة البطاقة يجب الاتصال فورا على 16789 لوقف البطاقة

10- فى حالة طلب تغيير رقم الهاتف المربوط بالبطاقة من خلال مكاتب البريد

اولا : مميزات كارت Easy Pay من البريد المصري

1- مصاريف استخراج الكارت 25 جنية فقط
يوجد عرض حاليا مع بدايه شهر 7/2019 سعر استخراج الكارت 10 جنيهات فقط

2- مدة صلاحية الكارت 5 سنوات من تاريخ الاصدار -- بمعنى تاريخ صنع البطاقة ,ممكن تستلم فيزا فى سنة 2019 وتاريخ اصدرها 2018 وبكده يكون مدة الكارت من بداية تاريخ الاصدار وليس الاستلام .

3- مصاريف تجديد الكارت 15 جنية فقط

4- الحد الادنى للايداع فى الكارت 100 جنية والحد الاقصى للايداع خلال الشهر 20 الف جنية
تنبيه : الحد الاقصي للايداع متغير بمعنى مش ثابت

5- حد المشتريات المحلي فى اليوم 10 الاف فى اليوم
تنبيه : الحد الاقصي للمشتريات متغير

6- الحد الاقصى للشراء من الانترنت 200 دولار بحد اقصى 1000 دولار
تنبيه : الحد الاقصي للمشتريات متغير

توضيح لمعرفة الحد الاقصي للبطاقة ممكن تتصل ب16789

7- متاح خدمة السحب النقدي من خلال
- ماكينات البريد المصري مجانا
- مكينات ATM التي تحمل شعار 123 بحد اقصى 4 الاف جنية يوميا متضمنه عمولة السحب
عمولة السحب 5 جنيهات

8- تفعيل حساب باي بال وسحب الاموال

9- الشراء من خلال الانترنت والحصول على خصومات من مواقع زي سوق كوم او دفع فواتير الانترنت لشركة وي او اورنج

10- يمكنك استقبال وارسال الحوالات البريدية من خلال تطبيق ايزي باي وعند الاستقبال يمكنك تحويل الحوالة الى بطاقة الفيزا ويتم شحنها واشتخدام الرصيد في ارسال الحوالات والشراء من الانترنت ودفع المصاريف والرسوم الحكوميه ودفع الفواتير وكافة خدمات ايزي باي

11- يمكنك الشراء من خلال المتاجر بمسح الباركود من خلال التطبيق بكل بساطه

12- يمكنك الدفع مقابل الخدمات الحكومية

simply from your mobile phone you don't to worry about having enough cash on hand

shop in your favorite stories with a tap

ثانيا : عيوب بطاقة ايزي باي Easy bay البريد المصري
1- صعوبة الحصول علي البطاقة من خلال مكاتب البريد الفرعيه
2- تجاهل معظم الموظفين لخصائص ومزايا البطاقة
3- طريقة شحن البطاقة من مكاتب البريد لاول مره لازم من مكنة pos فى حالة عدم تفعيل تطبيق ايزي باي وشحنها من خلال حوالة بريدية بالرقم القومي
4- طريقة الدعم الفني الوحيده للبطاقة هي الاتصال ب16789 ويستغرق وقت الانتظار من 20 الي 30 دقيقه
5- عند استلام البطاقة لا يسري تاريخ الصلاحيه من تاريخ الاستلام ولكن يسري من تاريخ الاصدار بمعني ممكن تستلم بطاقة اصدار 2018 واحنا في 2019 ويبقي عدي علي صلاحيتها سنه كامله .
6- عدم تفعيل تطبيق ايزي باي للاندرويد عند استلام البطاقة ويلزم الاتصال ب16789 وتقديم اكثر من شكوي .
7- الدعم الفنى للبريد المصري سئ جداا

رابط التطبيق على متجر جوجل بلاي
https://play.google.com/store/apps/details?id=com.efinance.easypay