أسعار شرائح الكهرباء بعدادات مسبقة الدفع بكارت شحن لعام 2018/2019

نقدم اليكم اليوم شرح كامل ومفصل عن العداد مسبق الدفع بكارت شحن بالاضافة الى أسعار شرائح الكهرباء بعدادات مسبقة الدفع .
العداد مسبوق الدفع، هو عداد إلكتروني رقمي، لقياس الطاقة الكهربائية المستهلكة على الجهد المنخفض، وتوصيل مباشر داخل المنشأة أو التجارية.



أسعار شرائح الكهرباء العام المالى الجديد 2018/2019 منزلي 

1-  الشريحة الأولى من صفر إلى 50 كيلو وات (  22 قرش بدلا من 13 قرش  )

2- الشريحة الثانية  من 51 إلى  100 كيلو وات (  30 قرش  بدلا 22 قرش   )

3- الشريحة الثالثة من صفر حتى 200 كيلو وات ( 36 قرش بدلا من 27 قرشًا )

4- الشريحة الرابعة من 201 إلى 350 كيلو وات (  70 قرش بدلا من 55 قرشًا  )

5- الشريحة الخامسة من 351 إلى 650 كيلو وات ( 90 قرش بدلا من75 قرشًا  )

6- الشريحة السادسة من 651 إلى ألف كليو وات  ( 135 قرش بدلا من 125 قرشًا  )

7- الشريحة السابعة من يزيد عن 1000 كيلو وات لا يحصلون على دعم ( 145 قرش بدلا من 135 قرشًا)

أسعار شرائح الكهرباء العام المالي 2018/2019 التجارى

1- الشريحة الأولى من صفر إلى 100 كيلو وات (55 قرشا بدلا من 45 قرشا)

2- الشريحة الثانية  من صفر إلى  250  كيلو وات ( جنيه بدلا من 84 قرشا)

3- الشريحة الثالثة من صفر حتى 600  كيلو وات ( 115 قرشا بدلا من 96 قرشا)

4- الشريحة الرابعة من 601 إلى ألف  كيلو وات (145 قرشا بدلا من 135 قرشا)

5- الشريحة الخامسة من صفر الى أكثر من ألف كيلو وات ( 150 قرشا بدلا من 140 قرشا)

سؤال : هل اسعار العداد القرص هي نفس اسعار العداد مسبق الدفع ؟
نعم ولا يوجد اي اختلاف 


سؤال : طيب ليه عدادات مسبقة الدفع بيدفع فلوس كتيرررر ؟
اولا في بداية كل شهر يبدأ العداد من الشريحة الأولى والتي تبدأ من صفر إلى 50 كيلو وات ساعة وسعر الكيلو فيها 22 قرش
بعد استهلاك 50 كيلو ينتقل العداد إلى الشريحة الثانية والتي تبدأ من 51 كيلو وحتى 100 كيلو وسعر الكيلو فيها 30 قرش
بعد استهلاك 100 كيلو ينتقل العداد تلقائيا إلى الشريحة الثالثة التي تبدأ من 0 كيلو وحتى 200 كيلو وسعر الكيلو فيها 36 قرش وعشان كده العداد بيرجع يحاسبك بسعر الشريحة الثالثة 36 قرش من اول كيلو سحبته وبيخصم حاجة اسمها تسويات مالية مش معنى كده انك بتتحاسب على 100 كيلو الأولى مرتين لكن بيحسبلك فرق السعر فقط اللي هيا التسويات الماليه 
بعد سحب 200 كيلو ينتقل العداد من الشريحة الثالثة إلى الرابعة والتي تبدأ من 201 كيلو إلى 350 كيلو وسعر الكيلو فيها 70 قرش

فيه بقى مبالغ يتم خصمها عند الانتقال من شريحة لأخرى
فبعد الشريحة الأولى يتم خصم 1 جنيه خدمة عملاء وبعد الشريحة الثانية يتم خصم 2 جنيه خدمة عملاء وبعد الشريحة الثالثة يتم خصم 6 جنيهات خدمة عملاء
بعد استهلاك 100 كيلو يتم خصم مبلغ 9.5 جنيه تسويات مالية نتيجة فرق الشرايح 
لما رصيدك يقل عن 10 جنيهات العداد بيفصل عشان يديك إنذار أن الرصيد قرب يخلص دخل الكارت في العداد سواء معدول أو مقلوب وكمان لو مش معاك الكارت ممكن تحط كارنيه أو بطاقه هيشتغل العداد مرة تانيه لحد ما الرصيد يخلص. العداد بعدها هيفصل ومش هيشتغل الا لما تشحن الكارت وتحطه في العداد

المصدر / المهندس أحمد صقر 

مجوبتش برضوا علي سؤالي ليه برضواا بيدفع اكترر 😂😂 ؟؟
بص يا سيدي العداد مسبق الدفع هو هو نفس الحساب بس بيحاسبك بالورقة والقلم 
انما العداد القديم الاقراص او الكودي ده بيتم محاسبتك بالبركه بمعنى بيتم تراكم الكيلو وات ساعة بالشهور واحيانا بالسنوات وتفضل تدفع معدل 80 كيلو وات ساعة تقريبا 30 جنية شهريا .
بمعنى حضرتك الشهر ده استهلكت 90 كيلو وات والشهر التانى 130 كيلو وات بمعدل استهلاك سنوي تقريبا 1200 كيلو وات وطبعا الاستهلاك فى فصل الصيف اعلي من فصل الشتاء يقوم المحصل او القارئ يسجل ليك 100 كيلو وات شهريا 
ويريح دماغه وتفضل انت يا صاحب العداد القرص او الكودي تدفع 35 جنية طوال العام 
وصاحب العداد المسبق الدفع يدفع مره 45 ومره 60 ومره 100 خلال فصل الصيف 
يقوم صاحب العداد الكودي او القرص دافع سنويا 420 جنية تقريبا
يقوم صاحب العداد المسبق دافع سنويا 750 جنية تقريبا

تقوم وزارة الكهرباء متعاقدة مع شركة شعاع لقراءة العدادات بشكل شهري لاصحاب العدادات الاقراص والكودي على حسابهم وبينزل فى بند خدمة عملاء 😂😂
وتقريبا بعد قراءة العداد بشكل شهري اللى كان بيدفع 35 جنية شهريا بقى يدفع 45 او 50 او 100 شهري والنظريه قربت قوي
تعالا بقه نشوف تصريح السيد الرئيس عبدالفتاح السيسي بتعميم العدادات مسبقة الدفع بكافة المنازل 
👇👇👇👇

تابع ايضا 




 
Top