ازاى تحمي نفسك من الهكر والمواقع المشبوهة لسرقة رصيد حسابك
السلام عليكم ورحمة الله وبركاته ,جميع زوار موقع فوري أبوكبير ,النهاردة هنشرح ليكم كيفية حماية حساباتك من سرقة الرصيد والهكر ,واكيد حضراتكم عارفين ان فوري عندها حماية ضد السرقة ,وهذا الشرح يخص الشركات الاخري بدون ذكر اسماء .
اولا ازاي تحمي نفسك من المواقع المشبوهة والمقلدة ؟
1. دايما اتأكد من عنوان الموقع URL اللي بتدخل عليه
2. المواقع المعتمدة والصحيحة دايما بتكون عليها علامة قفل خضراء عند عنوان الموقع
3. المواقع السليمة بيسبقها https وحرف ال S معناه security
4. مواقع الدفع الالكترونية استحالة تنزل عروض او هدايا ويقوم بنشرها اشخاص مجهولة
5- استحالة اى شركة دفع الكترونية تتصل عليك تسألك عن بياناتك الخاصة برقم حساب وباسورد تسجيل الدخول
6. مواقع الدفع الالكترونية تقوم بشراء شهادة SSL وهي أختصار لكلمة Secure Socket Layer بمعنى طبقة الاتصال الامن وتعمل هذة الخاصية على تشفير البيانات المرسلة والمستقبلة من سيرفر شركة الدفع الالكترونى
7- فى حالة اشتراكك فى شركة دفع الكترونية لم توفر لك الامان اللازم اطلب تثبيت IP ثابت لحسابك لديهم
بتنعمل ازاي دي ؟
أ- بتروح الى مزود خدمة ADSL المشترك لديهم وتقوم بطلب عنوان IP ثابت ودي طبعا بمقابل شهري بسيط يضاف على فاتورة الانترنت وليكن عنوان ايبي 156.251.172.81
ب- بعد حصولك على عنوان ايبي ثابت بتتصل على خدمة عملاء شركة الدفع المشترك لديهم وتطلب تثبيت ايبي ثابت لتسجيل الدخول لحسابك
ج- بعد تثبيت ايبي ثابت لا يستطيع مخلوق تسجيل الدخول الى حسابك الا عن طريق الجهاز الكمبيوتر الخاص بك حتى لو معاه رقم حسابك والباسورد
هل ممكن اطلب تثبيت ايبي ثابت لحساب فوري ؟
لا طبعا لان فوري ملهاش موقع ويب تشتغل عليه وكمان فوري بتقدملك الحماية اللازمة بشكل مجانى #فوري_أسهل
ثانيا ازاى تحمي نفسك من الهكر والنصابين ؟
1- دائما تاكد من استحالة قيام شركات الدفع والشحن من نشر هدايا عبارة عن مكنات شحن بشكل مجانا او زيادة رصيدك
2- اعتمد دائما على متابعة الصفحة الرسمية فقط لشركة الدفع على الفيس بوك
3- لا تعطي بيانات تسجيل دخولك لاي شخص مهما كان
4- لو جالك اى رابط على الفيس بوك او على الايميل بتاعك او على موبايلك اوعي تضغط عليه لان فيه بعض الروابط بتنزل ملف باتش مهكر يقوم بسحب كل بيانات تسجيل دخولك لكافة المواقع المحفوظه على جهازك
5- نزل انتى فيرس على جهاز الكمبيوتر والموبايل
6- استحالة حد يتصل بيك ويقولك مبروك كسبت رحلة عمره او حج ولازم تدفع حالا 10 الاف جنية على هذا الحساب وسيقوم المندوب بالتواصل معك .
طيب ازاي عرف اسم مندوبك واسمك ورقم حسابك ؟؟؟
- بياخد رقمك من الفيس بوك ويعرف انك عندك حساب العفريت الازرق
ويتصل عليك ويسالك هل مندوب حضرتك منتظم معاك يا افندم تقله ايوه طيب ممكن رقم حسابك واسم حضرتك وبكده اخد رقم حسابك وعرف اسم المندوب بتاعك يقوم يركنك على جنب قول شهر كده
- يرجع يتصل عليك تانى ويقولك استاذ محمد مبروك كسبت رحلة حج على رقم حسابك كذا لازم تحول 10 الاف لرقم حساب كذا والمندوب محمد عبدالسلام هيتواصل معاك تقوم انت مصدق لانه عارف اسمك ورقم حسابك واسم مندوبك
7- خلي بالك الحدايه مبترميش كتاكيت
هل لو ليه حساب على فوري ممكن اتسرق ؟
استحالة حد يقدر يخترق حسابك على فوري حتى لو معاه رقم حسابك واسم المستخدم والباسورد
طيب لو انا معايا حساب على فوري واتسرقت اعمل ايه ؟
حضرتك بقولك استحالة حد يخترق حسابك ويسرقك
الا اذا حضرتك حولت لواحد نصاب فلوس اوهمك انك كسبت مكنه او رحلة حج
انت بقه لامؤخذة اللى عاوز تتسرق
بعد ما خلصنا الكلام الجميل ده ياريت تشرفنا بالانضمام الى اكبر جروب لتجار شركة فوري