الاسعار الجديدة لكروت المارد 5 و 10 وكروت الفكه من فودافون
خبر مفاجئ لجميع تجار بيع الكروت ,عند الاعلان صباح اليوم 29 اغسطس 2017 عن زيادة اسعار كروت الفكه وكروت المارد من شركة فودافون مصر ,وجاء الخبر بالصدمة للكثير من التجار بعد القرارات المتتالية بزيادة الاسعار بشكل غير طبيعى وثبات قيمة الربح على كروت الشحن ,وبعد ما كان هذه الكروت هي المنفس الوحيد لتجار بيع الكروت من خلال بيع كارت الحظ والصحبة والكرم والمارد وكروت الفكة بزيادة 1 جنية على كل كارت قامت شركة فودافون بتضيق الخناق اكثر فأكثر على التجار ليصبحوا المطمع الوحيد فى مصر امام كل الشركات والحكومة .
بصراحة عمري ما شوفت ظلم بالطريقة دي اقسم بالله فى زمن اصبح انتشار المحلات التجارية بمعدل محل كل متر ..
ازاى تاجر يبيع 10 كروت فئة 10 جنية علشان يكسب 1.60 قرش
- فى زمن حباية الكرملة ب50 قرش
- فى زمن ربطة الجرجير ب1 جنية
- فى زمن غلاء كل الخدمات ما عدي ثبات هامش ربح كروت الشحن ودفع الفواتير
- فى زمن اقل مبلغ يكفى لعيش اسرة يوميا هو 100 جنية
اقتراح هامش ربح يرضى التجار ويرضى الله
وضع هامش ربح على كل 10 كروت شحن فئة 10 جنية ب110 جنية يحصل التاجر على 10 جنية ربح صافى
لو دورنا على اى منتج فى السوق اذا كان فى صيدلية او محل بقالة او محل حبوب او اي محل لا يقل نسبة هامش الربح عن 10% وقد تزيد لتصل الى 30% بالله عليكم اتقى الله فى تجار بيع الكروت والشركات والحكومة تعلم ان 99% من التجار تقوم بزيادة اسعار الكروت عن سعرها الرسمي لانهم مش لاقيين ياكلوا عيش حاف والباقى 1% يبيع بالسعر الرسمي لانه بيجذب زبائن علشان الصيانه اللى ربحها 500% وبعض الاغراض الاخري لبيع منتجات ربحها عالى مع كروت الشحن