تحذير شركة Bee للتجار بخصوص كثرة طباعة كروت الشحن لتخزينها
نشرت اليوم شركة بى على صفحتها الرسمية بالفيس بوك ,نظرية المؤامرة من قبل التجار لسحب كل كيمات كروت الشحن لتخزينها ,حتى يقوم التجار ببيع الكروت بالسعر الجديد ,وبنشر هذا التحذير من قبل شركة بي يؤكد زيادة كروت الشحن بالاسواق خلال الايام القادمة ,وعندما قام كبار تجار كروت الشحن برقع قيمة اسعار كروت الشحن بدون زيادة رسمية من قبل الشركات الثلاث ,يؤكد تسريب خبر زيادة كروت الشحن للتجار الكبار ,قبل اجازة عيد الاضحى المبارك ,وبالعربى كده مفيش نار بدون بنزين ,والشركات قررت زيادة اسعار الكروت الشحن والفواتير رسمياً ,واكبر دليل على زيادة اسعار كروت الشحن ,توقف كبار التجار عن البيع ,رفع قيمة كروت الشحن بالنسبة لصغار التجار بنسبة 5% ,توقف طباعة كروت او شحن طاير لشركة بى اليوم 17 سبتمبر 2016 ,توقف طباعة كروت فودافون واورنج على ماكينات فوري ,زيادة رسوم فوري على الفواتير ,كل ده تسميه ايه .
نص رسالة التحذير
طيب انا هتكلم بالبلدي المرة دي، يا جماعة في تجار كتير بتطبع كروت كتير علشان تخذنها و تبيعها بالغالي بعدين. و دي عمل سحب اعلي من الطبيعي فالمخزون عندنا خلص في وسط موسم الاجازات الطويلة.بلاش نظرية المؤامرة علشان احنا لو وقفنا بيع بمزاجنا شركات المحمول ممكن تطبق علينا غرامة اكبر بكتير من الي ممكن نكسبه من حركة زى دى. و في الاخر انتو عارفين ان شركة بيي شركة محترمة و ده مش اسلوبنا.
شرح طريقة تفادى الحرج مع زبائن المحل ؟
- التوقف عن البيع لحين معرفة السعر الرسمي
- زبون المحل وهو جاي يشحن ب10 جنية بيحس انك واخد مكسب مثلا 2 جنية اه والله ولما تقله الكارت ال10 ب 10.5 علشان الاسعار الكروت زادت يقلى ليه مش عاوز وهو اصلا مش عارف ان نسبة فوري على كارت ابو 10 جنية 19 قرش اه والله وطلع منهم 2 قرش رول وكهرباء وعمولة مكنة يعنى ممكن تصفى 12 قرش من الاخر واخد بريزة فى زمن ربطة الجرجير ب50 قرش يعنى ابيع 5 كروت واروح اجيب ربطة جرجير افطر بيها حاف
- والزبون ابو 5 جنية بيبقى جاي يشحن بالخمسة دى واكنه شايل الف جنية ومش عارف ان مكسبى 4 قرش غطينى وصوتى