عناوين واماكن فروع فوري بلس Fawry Plus بجميع المدن والمحافظات

شرح تجديد ترخيص السيارة من خلال فوري

اليوم سوف نشرح اليكم كيفية تجديد رخصة السيارة من اقرب فرع فوري بكل سهولة 

استلام الرخصة فى المنزل

▼

لدفع استلام الرخصة فى المنزل من خلال فروع فوري عليك الذهاب الى اقرب فرع يحمل علامة فوري وطلب خدمة تراخيص السيارات وطلب استلام الرخصة فى المنزل بتاخد معاك البطاقة الشخصية ورقم اللوحة ورقم الموبايل للتواصل معك وبتاخد معاك رخصة العربية 

علشان تقدر تجدد الرخصة من خلال فوري 

1- إدفع الرسوم و الضريبة > لازم تقدم اولاً الرسوم والضريبة 

2- إدفع التأمين الإجبارى > دفع قيمة التامين الاجباري للسيارة 

3- إدفع المخالفات > الكشف عن المخالفات وفى حالة وجود مخالفات يجب دفعها وان لم تجد تخطى هذة المرحلة

4- إطلب الرخصة توصلك للبيت > اخر مرحلة اطلب استلام الرخصة فى المنزل ومبروك عليك تجديد رخصة السيارة

بعد الدفع واستلام الايصال رخصتك هتوصلك لحد البيت فى خلال أسبوع من تاريخ الدفع وقد تتاخر بسبب الاجازات والعطلات الرسمية

شروط التجديد لدي فوري Fawry
1-لازم تكون العربية ملاكي
2-لازم تكون العربية اقل من 2030 CC 
3-بطاقة الرقم القومى تكون سارية و يكون العنوان الموجود علي الرخصة مطابق للعنوان بطاقة الرقم القومي لكن طبعا تقدر تستلمها فى اى مكان تفضله
4- غير متاح التجديد بعد انتهاء شهر السماح و فى حالة التجديد 3 سنين لازم يكون التجديد فى خلال فترة السماح مش قبل كده
5- لازم حضرتك تكون المالك الاصلي لان الخدمة غير متاحه فى حالة التوكيل (فى حالة التوكيل ممكن حضرتك تجدد بالطريقة العادية من منافذ فورى و تستلم من الوحدة بعد اربع ايام عمل بالتوكيل)
6- فى حالة الفحص او الحظر هيكون التوصيل غير متاح و هتستلم الرخصة من المرور بعد اربع ايام عمل من الدفع.
7- خدمة تجديد الرخصه مع فورى غير متاحه فى حالة نقل الملكيه او نقل الملف (نقل القيد)

** لو كل الشروط اللي فاتت تنطبق عليك و تابع لمحافظه القاهرة او الجيزة ممكن تبعت لنا بياناتك في رساله علي الخاص او تتصل بينا علي 16421 علشان تجدد الرخصه في خطوه واحده

لو حضرتك تابع لمحافظات الاسكندريه او السويس او الاسماعيليه
تقدر تجدد من اقرب منفذ فوري او من خلال موقع ماي فوري او من خلال محافظ المحمول بدفع الاتي:
1-ادفع الرسوم والضريبه
2-ادفع التأمين الاجباري
3-ادفع المخالفات
4-ادفع التوصيل المنزلي (ساري في حاله عدم وجود فحص او حظر او توكيل)وهتستلم الرخصه في 7 ايام 

ولو عندك فحص او حظر او توكيل هتستلم من الوحده بعد 4 ايام عمل من الدفع

تنوية هام جداً :

هذة الخدمة تشمل القاهرة و الجيزة والاسكندرية للسيارات حتى 2030 سى سى

تسرى هذة الخدمة حتى نهاية فترة السماح

خدمة التوصيل غير متاح فى حالة الحظر أو الفحص الفنى

وقبل الذهاب عليك الاتصال برقم خدمة عملاء فوري 16421 للتاكد من توافر الخدمة فى محافظتك
بريد الكتروني : info@fawry.com