عناوين واماكن فروع فوري بلس Fawry Plus بجميع المدن والمحافظات

طريقة سحب فلوس فودافون كاش من ماكينات فوري 

📢 خدمة فودافون كاش مع فوري 

تم تشغيل خدمة فودافون كاش واللي من خلالها تقدر تعمل شحن وسحب لمحفظة فودافون كاش من خلال اى فرع عليه علامة فوري بدون لف ولا دوران خليك مع اللى يريحك وينجزلك شغلك تحت بيتك .

‼ لو جالك عميل عاوز يسحب مبلغ من محفظة فودافون كاش انت كتاجر فوري هتسفيد ايه ؟!

🔴 هتاخد عمولة من فوري علي عملية السحب والشحن
🔴  كام بقه العمولة على الايداع والسحب !! 😓😓
على كل 1000 ايداع ليك عمولة (الله اعلم)
على كل 1000 سحب ليك عمولة (الله اعلم)

🔴 هتشحن مكنتك بقيمة المبلغ اللي هتسحبه للعميل وبكده وفرت رصيد لمكنتك

!! طيب ممكن ناخد فكره عن رسوم التحويل والسحب لفودافون كاش 
تنبيه : رسوم السحب والايداع فى فودافون كاش بيتم خصمها لصالح فودافون وليس لفوري اي علاقة 

رسوم الخدمة الخاصة بفودافون كاش 
🔴 لو هتحول من محفظتك الى محفظة فودافون كاش اخري هيتم خصم 1 جنية على اى مبلغ من الرصيد المتبقى فى حسابك
🔴 خلي باك لو هتسحب من فرع فودافون او فوري او اي موزع بيتم خصم 3 جنية رسوم عند سحب اى مبلغ ما بين 5 الى 150 جنية ولو هتسحب اكثر من 150 جنية بيتم فرض رسوم 2% من قيمة المبلغ او 1% لفترة محدودة
وبيتم خصم الرسوم دي من المبلغ المتبقى فى حسابك فودافون كاش 

شرح مبسط
مثلا معاك فى المحفظة 1000 جنية فقط وعاوز تحولهم لمحفظة اخري تتصل ب7000 وتقوم بأختيار 999 جنية للتحويل وترك 1 جنية رسوم تحويل وفى الحاله دي مش هتحتاج تاكيد من محفظة العميل بس هتخسر 1 جنية 
طيب لو عاوز تحويل فلوس بدون تحويل لمحفظتك واعادة تحويلهم وخسارة 1 جنية تروح لاي فرع فودافون او فوري او امان وتحول لحساب العميل مباشرة 

حالة السحب 
مثلا معاك فى المحفظة 100 جنية وعاوز تسحبهم من الفرع او من فوري هتسحب مبلغ 97 جنية فقط وتترك فى حسابك 3 جنية ليتم خصمهم رسوم سحب لصالح فودافون 

طيب لو معاك مبلغ اكثر من 150 جنية وعاوز تسحبهم هيتم فرض رسوم 2% من قيمة المبلغ مثلا لو معاك 1000 جنية عاوز تسحبهم هتسحب 980 جنية وتترك 20 جنية رسوم سحب لصالح فودافون 

الحد الاقصي والادني للتحويلات الشهرية على خدمة فودافون كاش

الحد الاقصي الشهر للتحويل 50 الف جنية

الحد الاقصي للتحويل اليومي 6000 جنية

الحد الاقصي للمبالغ الموجود بالمحفظة 10 الف جنية

‼ طب الخدمة بتتعمل ازاي علي المكنة ؟!

1⃣ ادخل علي معاملات مالية وبنوك 

2⃣ وبعدين فودافون كاش

3⃣ هتلاقي

🔺  ايداع فودافون كاش كود الخدمة 204

🔺 سحب فودافون كاش كود الخدمة 207 

4⃣ فى حالة السحب أو الايداع اعمل الآتي :

🔺 دخل رقم المحفظة مرتين (رقم الموبايل اللي عليه المحفظة).

🔺 ادخل مبلغ الشحن أو السحب

🔺 هتيجي للعميل رسالة تأكيد على موبايله سواء في عملية الشحن أو السحب ولازم العميل يأكد علي العملية من موبايله خلال دقيقة ونص  

‼ خلي بالك

 لو رسالة التأكيد موصلتش للعميل ممكن يطلب الكود  #2*900*  في حالة الايداع  

وفي حالة السحب العميل يطلب الكود #1*900*

🔺 أكد علي عملية الدفع من مكنتك واطبع الايصال

تعالوا نشوف فيديو لشرح ايداع وسحب من خدمة فودافون كاش من خلال مكن VX 520 👈 إضغط هنا

**********************

تعالوا نشوف فيديو لشرح ايداع وسحب من خدمة فودافون كاش من خلال تطبيق فوري للاندرويد 👈 إضغط هنا

تعليمات هامه فى حالة فشل التاكيد وتعليق المبلغ 

خدمة فودافون كاش 

في حالة عملية الايداع لمحفظة العميل خلي بالك من الاتي:

‼ مجرد ما تقوم بادخال مبلغ االايداع على الماكينة المبلغ بيتخصم من رصيدك مباشرة 

‼ فى حالة عدم وصول رسالة التأكيد للعميل على موبايله أو تأخر العميل فى عملية التأكيد هيظهرلك الكود  21092  ، قم بالضغط على الغاء العملية وطباعة الرقم المرجعي.

‼ لاسترداد المبلغ اللى اتخصم من رصيدك وموصلش للعميل ادخل على استعلام ايداع فودافون " كود الخدمة 205 " واكتب رقم حركة الايداع الموجودة بالايصال اللى انت طبعته بس بعد مرور خمس دقايق على طباعة الايصال .

‼لو ظهرلك الكود 21132 ده معناه ان المبلغ رجع تانى لرصيدك.

‼ ملحوظة : لو الخدمة لسه مشتغلتش عندك اعمل تحديث لقائمة الخدمات في وقت تكون الشبكة عندك قوية.

الان فى مصر يمكنك الشراء من الانترنت بفيزا حقيقية بأنشاء المحفظة الذكية من بنك CIB 
شرح الاشتراك فى خدمة "المحفظة الذكية" من بنك CIB عن طريق سوبر فوري