شرح ارصدة حسابات فوري الجديدة فصل الارصدة purchase notify - Cash out

الفرق بين فوري ريتيل Retailers وفوري FCC المميزات والعيوب

بداية جديد مع صفحتكم فوري ابوكبير فى ثوبها الجديد سؤال محير ناس كتيره !!!

ايه الفرق بين Retailers -- Fcc ؟؟

سيتم الرد على هذا السؤال بحياديه تامه بعد تجربة الريتيل و Fcc 

ايه الفرق طيب !!

هل فيه فرق فى الارباح ؟ ابدا مفيش 

هل فيه فرق فى الخدمات ؟ ابدا برضوا مفيش 

هل فيه فرق فى الدعم الفنى وخدمة العملاء ؟ ابدا برضوا مفيش

امال ايه يا عم فهمنااا !!!

بص يا عم Retailers معناها بالعربي تجار تجزئة , FCC معناها تجار جملة 

- تجار التجزئة بينزل ليه مكن تامين مقابل 500 جنية ولازم يحقق تارجت عالي جدا جدا هو المفروض 7 الاف جنية رسمي على المكنه لو محققش المكنه تتسحب منه ولكن يقوم بعض المناديب الريتيل بطلب تارجت يصل الى 40 الف جنية شهريا ويكون بمثابة الانتحار لكافة التجار المبتدئه فى فوري .. عيب خطير جداا وعند طلب التجار الى مكن تامين يتم الرد بعدم وجود مكن تامين بسبب غلاء مكن الملك ويجب على الشركة توفير مكن قسط لكافة التجار ويتم خصم القسط من الرصيد بشكل شهري

- تجار الجملة fcc ده بيشتري المكنه كاش وملوش تارجت بالمقارنة مع الريتيل لان المكنه تمليك 

طيب الكلام جميل يعنى مفيش فرق زي ما الناس بتقول وبنسمع ؟؟

كل تجار فوري ليهم نفس الدعم ويقدر يشحن من البريد والبنك والمندوب والوكيل

مميزات الريتيل 
1- توفير مكن تأمين بمبلغ بسيط 500 جنية فقط
2- توفير مناديب لشحن الرصيد
ولكن لا يتم الاهتمام بمحلات القري ويتم الاهتمام فقط بالمحلات الرئيسية بشوارع المدينة نفسها ويتم تجاهل باقى المحلات لبعد المسافه ويطلب المندوب بترك المبلغ فى مكتب البريد مع اى موظف او تركهم مع اقرب محل امام محطة القطار .
3- يقوم مناديب الريتيل بأخراج رصيد اجل للمحلات اللي بتحرق رصيد والان فوري فتحت الاجل لجميع المكن بدون تفرقه بين ريتيل او fcc ولكن لازم تكون بتحرق رصيد هنا او هنا لانك لو مع الريتيل ومش بتحرق رصيد المندوب مش هيطلع ليك اجل لان المندوب بيدور على التاجر اللى بيحرق رصيد علشان التوريد اليومي .

عيوب الريتيل
1- يطلب تارجت عالى جداا يصل الى 40 الف جنية ويتجه كافة تجار الريتيل الى ايداع مبالغ اورنج مونى او فودافون كاش واعادة سحبهم مره اخري وخسارة اى مقابل لارضاء مناديب الريتيل لعدم سحب المكنه
2- تم الغاء خدمة التحويل من تاجر لتاجر

3- مكن الريتيل الاكثر لقفل الحسابات بدون سبب لتعنت مناديب ومشرفين الريتيل مع التجار لاي سبب كان منها الاتى 
** محاولة سحب المكنة من تاجر لم يحقق التارجت المطلوب الشهري من المندوب ويقوم المشرف بأغلاق المكنة ليتم سحبها بشكل اجباري .
** اغلاق المكنة فى حالة خروج التاجر للشكوي على الانترنت ويتسبب فى ازعاج المشرف فيقوم بأغلاق المكنة لمعاقبة التاجر

4- مكن الريتيل ممنوع لمحلات الاتصالات والمحمول ومتاح لمحلات البقالة والسوبر ماركت فقط 

مميزات الfcc

1- العمل المباشر والحر مع اى وكيل او بريد او بنك وعدم ربط التاجر باي وكيل ودي اهم ميزة 

2- المكن والحسابات بدون تارجت 

3- توفير خدمة فوري للتحصيلات لشحن رصيد تاجر تموين 
4- الحصول على دعم مباشر وسهل من الوكيل والمندوب والمشرف 

5- متوفر صفحات كثيرة على الفيس بوك تدعمك بكافة المعلومات 

6- لك الحريه الكاملة بطلب الدعم من اى وكيل بدون تعرضك لغلق حسابك كما يحدث مع الريتيل 
7- يقوم الكثير من الوكلاء بفتح الاجل للتجار النشيطه معهم

عيوب fcc 

عدم توفير مندوب لشحن الرصيد يصل للمحل بتاعك

وده مش عيب لان مناديب الريتيل الكثير منهم بهوات وبيعامل التاجر اسوء معاملة واكنه وكيل نيابه .

فى النهاية الfcc يفوز بدون منافس 

وتم كتابة هذا المقاله بعد التجربه المريره مع قسم الريتيل بعد تعرض حسابي للغلق لاكثر من اربع مرات على التوالي بدون سبب واضح والان تم غلق حسابي بشكل نهائى فيه 35 جنية والان تم تصفير الحساب وحفظ المبلغ لدي الشركة بدون السؤال على ردهم وحسبي الله ونعمي الوكيل فى اللى كان السبب ومش مسامحه ليوم الدين والحمد لله على كل حال .

متوفر مكن امان نيولاند لشحن كروت الكهرباء ب3700 جنية فقط لا غير 
تدعم شحن كروت الكهرباء 
تدعم شحن وطباعه كافة كروت الشحن 
تدعم الفيزا ماستركارد 
تدعم خاصية NFC يعنى المستقبل كله
تدعم كافة الخدمات 
يا بلاش انتهز الفرصة الان وكلمنا على الواتس 01020602882